RUNGGU MABA BELO SELAMBAR-NGANTING MANUK
GAMBAREN DAHIN KERJA ADAT
( Matius Purba )
A. MABA BELO SELAMBAR
Pada zaman dahulu acara Maba Belo Selambar biasanya dilakasanakan pada malam hari setelah makan malam selesai, sehingga pada zaman dahulu dalam cara Maba Belo Selambar tidak ada acara makan, yang diundang adalah Sembuyak,Senina kuranan dan anak beru. Namun pada saat ini dalam Maba Belo Selambar terdapat acara makan malam. Sehingga dalam acara Maba Belo Selambar, dari pihak pria maupun wanita harus dihadiri oleh beberapa pihak yang wajib untuk menghadiri acara maba belo selambar tersebut, dimana bagi pihak pria yang wajib hadir ketika acara Maba Belo Selambar adalah Pemuda yang melamar, orang tua laki-laki, sembuyak,tegun senina,Senina kuranan/senina sikaku ranan, kalimbubu singalo ulu emas, dan anak beru. Sedangkan bagi pihak perempuan yang wajib hadir ketika acara maba Belo Selambar adalah gadis yang dilamar, orang tua, Sembuyak,tegun senina, senina Sikaku ranan, Kalimbubu Singalo bere-bere,Singalo Perkempun, Singalo perbibin, dan anak beru.
• Tujuan MBS :
Tujuan inti Maba Belo Selambar : Nungkun Kata-Keriahen ukur Sukut Sinereh/Kalimbubu ras anak beru.
Beberapa hal yang perlu diketahui dalam MBS adalah :
- Ngorati Diri Kalimbubu
- Nungkun Kata-Keriahen Ukur Kalimbubu Ras Anak Beru
- Erbahan Gelar Perjumpan : MBS
- Erban pudun nganting manuk ( sidekah)
Tahapen MBS :
- Ngorati Perpulung
Sope ibenaken percakapen, anak beru ngorati perpulung kerna terjeng ija itenahken.
Bagepe orati seh ku kalimbubu/puang kalimbubu terlebih anak beru.
Siman oraten e me kap :
• Sukut ,senina, sepemeren,siparibanen, sepengalon, sendalanen
• Kalimbubu ( minimal 4 merga )
• Puang Kalimbubu ( minimal 3 merga )
• Puang ni puang kalimbubu ( minimal 2 merga ) = adi itenahken ( itenahken ibas Kerja)
• Anak beru tua/cekoh baka/anak beru si 4 merga/ AB.Minteri (si lima merga )
• Runggun Gereja ( pihak Sidiberu )
- Persentabin Man Anak Beru SiNereh/Ndudurken Isap
Ope ibenaken percakapen, anak beru pekepar ndudurken isap. Semalna ibenaken anak beru si empo, banci ka pe ije ia sioraten tutur adi lenga sitandan.
- Ertoto : Biasana ibabai Pdt/Pt/Dk (Sue ras kiniteken )
- Pedalan Kampil Kehamaten ( 3 buah )
- Persentabin man Kalimbubu/Puang Kalimbubu
- Runggu (Inti Percakapen):
A.Nungkun Diri Kalimbubu
B.Nungkun Kata-Keriahen Ukur Kalimbubu Ras Anak Beru
C.Petangkas Sidilaki (si-empo) ras Sidiberu (si-sereh)
D.Ngorati Anak Beru/Bibina
E.Sukut SiNereh ras Anak Beru Arih, Kerna Nungkun Kata Keriahen Ukur
F. Erbahan Gelar MBS
7. Ermomo man kalimbubu/Puang Kalimbubu
Sukut pekepar ermomo man kalimbubu/Puang Kalimbubu, pebetehken maka ibas perjumpan
e enggo ersada arih ibahan gelarna MBS.
8. Erban pudun guna Nganting Manuk (sidekah)
B. NGANTING MANUK
Acara nganting manuk adalah suatu acara kelanjutan maba belo selambar yang pelaksanaannya disepakati bersama oleh kedua belah pihak laki-laki dan perempuan. Beberapa waktu yang lalu sering acara ini dilakukan pada malam hari setelah selesai pasu-pasu/nikah dan besoknya adalah kerja adat. Biasanya acara ini diawali dengan makan bersama yang lauknya adalah manuk yang dimasak dengan cipera. Sebelum makan, pihak laki-laki harus menyerahkan luah/sientebu-entebu berupa gulame/cimpa/wajik/rires dan nakan baluten/nakan pinggani sesui dengan kampung atau daerahnya.Tujuan utama nganting manuk adalah untuk membicarakan Gantang Tumba (Batang Unjuken/Tukur) yang harus diterima pihak perempuan.
Sesuai dengan perkembangan jaman, khususnya di Jabodetabek, acara nganting manuk dilanjutkan/ditingkatkan langsung setelah selesai maba belo selambar. Sehingga seringkali pihak perempuan menanyakan syarat-syarat nganting manuk berupa : sientebu-entebu, nakan pangan gulenna manuk cipera, dan kehadiran kalimbubu singalo ulu emas. Walaupun begitu, perlu kita sadari bahwa dalam pelaksanaan ini perlu kita mejaga kehamaten erkalimbubu/puang kalimbubu dalam berkata-kata runggu ibas encibalken ranan supaya tidak luntur/terkikis nilai-nilai yang terkandung dalam nehken kehamaten dan kekelengen.
Disini kami memaparkan tahapen kebiasaan-kebiasaan begitu juga beberapa percakapan yang sudah sering/semal kita lakukan di jabodetabek. Harapan kita semua dengan kehadiran gereja/mamre/serta pengemuka adat sangat berperan untuk menyatukan pandangan dalam ngerunggui MBS itingkatken ku nganting manuk. Hendaknya runggu itu memiliki nilai-nilai budaya, runggu yang indah/enak didengar, tidak bolak-balik dalam satu pembicaraan, dan generasi muda akan tertarik dengan runggu.
Tahapen Nganting Manuk :
1. Persentabin Tingkatken Dari MBS ku Nganting Manuk
2. Pedalan Si Entebu-Entebu
3. Nehken Kampil Kehamaten (6 buah)
4. Nungkun Enggo Banci Empo
5. Ngorati Gantang Tumba ( Pekepar Singalo Ulu Emas)
6. Mata Kerja/Pasu-pasu ( Persikapen, Pasu-pasu,mata kerja,ingan pulung)
7. Per-Ose
8. Undangen (teknis)
9. Acara Ngerana ibas kerja
10.Sijalapen
11.Ermomo
12.Pedalan Pudun
13.Ertoto Penutup / man
Percakapen - Maba Belo Selambar
( Matius Purba CP: 081 281 30 60 60 )
A. NGORATI PERPULUNG :
Masing2 Anak Beru Pekepar ngorati Kalimbubu pekepar kerna perpulung.
1. Anak Beru Sinereh :
Man kam kerina kalimbubu kami X mergana, uga perpulungndu ras sembuyak seninandu sue ras tenah sikatakenndu, bagepe seh orati ku Kalimbubu Singalo Bere-bere, Puang kalimbubu Singalo Perkempun, singalo perbibin, terlebih kami Anak berundu.
2. Sukut SiNereh : (Ngorati perpulung : Sangkep Nggeluh)
3. Sukut Sinereh : Emaka man bandu Anak Beru kami, enggo pulung kerina sue ras sitenahken kami, si lenga seh ijenda ndapeti kari ia. Emaka enggo banci torosindu perjumpanta ibas wari sisendah.
....................................................................................................................................................................
4. Anak Beru SiEMPO :
Man kam kerina kalimbubu kami Y mergana, uga perpulungndu ras sembuyak seninandu sue ras tenah sikatakenndu bagepe seh orati ku Kalimbubu Singalo Ulu Emas , Puang kalimbubu Singalo Ciken-ciken terlebih kami Anak berundu.
5. Sukut SiEmpo : (Ngorati perpulung Sangkep Nggeluh)
6. Sukut Siempo : Man bandu Anak Beru kami, sue ras kata tenah sitenahken kami enggo pulung kerina. Si lenga seh, ndapeti kari ia. Emaka enggo banci teruskenndu percakapenta ibas wari si sendah.
B. PERSENTABIN RUNGGU/ ANAK BERU SI EMPO NDUDURKEN ISAP
1. Anak Beru Si EMPO :
Man kam kerina Anak Beru Jabu enda, ibas jabu Kalimbubuta X mergana. Enda isap kami Anak Beru Y
mergana. Ngisap-ngisap kam kerina anak beru X mergana.
2. Anak Beru SiNEREH :
Enda ka isap kami impal, ngisap-ngisap kita.
3. Anak Beru SINEREH :
Man banta kerina Anak Beru X mergana, enda isap anak beru Y mergana. ( iberekenna man temanna
sendalanen)
4. Anak Beru Sinereh + Anak Beru SiEmpo Ertutur Adi Lenga Sitandan. Janah Banci saja Rimpal entah pe tutur
si deban, Pengelebuhen Bapa kai...
C. PERTOTON
5. Anak Beru SiEMPO
Adi bage impal, uga akapndu, ope sibenaken percakapenta maka sibabai lebe arah pertoton.
6. ....................biasana pihak si reh/si empo erbahan pertoton ( ibabai Pdt/Pt/Dk)
D . PEDALAN KAMPIL KEHAMATEN
1. A.Beru Si Nereh:
Kami ras Kalimbubu kami enggo pulung, kai kin ndai sura-surandu reh ku jabu kalimbubu kami enda impal.
2. Anak Beru Si Empo :
Ertima kam lebe impal, maka orati kami kalimbubu kami.
3. Anak Beru Si Empo :
Man bandu kalimbubu kami Y mergana, me enggo banci pedalan kami kampil kehamaten nangndangi kalimbubuta X mergana ?
4. Sukut SiEmpo :
Enggo banci bere-bere. Pedalanndu kampil kehamatenta nangndangi Kalimbubu.
5. Anak Beru SiEmpo :
Ue mama, enda pedalin kami.
6. A.Beru Si empo ku AB.SiNereh :
Bagenda impal, ope denga ituriken kami sura-sura kami ras kalimbubu kami, uga iakapndu adi pedalin kami lebe kampil kehamaten, maka arah e kami erbelas !
7. Anak Beru Si Nereh :
Man kam kerina kalimbubu kami X mergana, me enggo banci aloken kami kampil kehameten ibas Y mergana nari erkelang-kelangken kami anak berundu ?
8. Sukut SINEREH :
Enggo banci, aloken kam kampil ena !
9. A.Beru Sinereh Man A.Beru Si Empo :
Enggo banci, pedalanndu dage kampil ena impal !
10. A.Beru Si Empo:
Enda kampil kehamaten kami impal, Alokenndu ( pedalan 3 kampil )
11. A.Beru SiNereh :
Enta impal, janah iendeskenna man Kalimbubuna X mergana : Enda Kampil kehamaten Y mergana, alokenndu mama.
12.Sukut SiNereh :
Enta bere-bere , (alokenna 3 kampil ) : Enda 1 kampil man bandu anak beru kami. Sidua nari endeskenna man sembuyakna bagepe 1 kampil endeskenna man kalimbubu terus ku puang kalimbubu ( 2 isapna ).
Catatan : anak beru sinereh ngulihken kampil man anak beru si empo
E. PERSENTABIN MAN KALIMBUBU-PUANG KALIMBUBU
13. Kenca anak beru si empo ngaloken kampil.
Anak Beru siempo :
Kampil kehmaten sidudurken kita enggo mulih man banta, ibenai menda percapen, ope sie merandal akap kami ersentabi kita man kalimbubunta.
14.Sukut SiEmpo : Sentabi kami man bandu kerina kalimbubu singalo ulu emas, rikutpe ras puang kalimbubu
singalo ciken-ciken. ibenaken kami menda percakapen. Emaka tertinggel-tinggel kam. Adi lit akapndu si man
embaren, embari ndu kami.
15.Sukut Sinereh ermomo : Sentabi kami man bandu kerina kalimbubu singalo bebere, rikutpe ras puang kalimbubu singalo perkempun. Adi enggo kam ngisap2 ras man belo mami nina turangku, ibenaken kami menda percakapen. Emaka tertinggel-tinggel kam. Adi lit akapndu si man embaren, embari ndu kami.
F. RUNGGU MABA BELO SELAMBAR
I. NUNGKUN DIRI KALIMBUBU
16.A.Beru SINEREH :
Bagenda impal, enggo entabeh akap kami ngisap bagepe man belo nina kalimbubu kami bagepe kami anak beru X mergana. Emaka reh nina kalimbubu kami, maka tersungkun ia kai kin sekalenda kata kampil, terlebih tampak kam sekalenda reh ras kalimbubundu.
17.Anak Beru SIEMPO :
Man kam kalimbubu kami Y mergana, enda nungkun kalimbubuta X mergana erkelang-kelangken kami anak beru, kai kin kata kampil kerna sura-surandu reh kujabu kalimbubuta X mergana, uga ningkami ngaloi anak beru X mergana, arih kam kerina kalimbubu kami
18. SUKUT SI EMPO :
Man kam anak beru kami, turikenndulah kerna sura-sura permenndu/impalndu emekap anak kekelengen kami si tergelar ................bere-bere...........kempu......... maka enggo jumpa atena ngena dingen tutus atena nangndangi diri kalimbubuta ...... mergana, sitergelar .........bere-bere..... kempu....., enggo lit arih-arihna kerna arih-arih simedanak, arih-arih singuda-nguda anak perana, segelah sicakapken alu mehuli. Enda me sura-suranta sekalenda reh ku jabu kalimbubuta X mergana.
19. Anak BERU SI EMPO
Bagenda impal, Enda reh kami ras Kalimbubu kami , maka enggo lit arih-arih simedanak ibas diri kalimbubu kami si tergelar ...................bere-bere.........kempu..............kutana............ingan tading.............. nangndangi diri kalimbubuta..................mergana, si TERGELAR...............bere-bere.................kempu................. maka enggo ia singenan dingen tutus pe atena kerna njabuken bana. Emaka nungkun kami man bandu anak beru. Y mergana: Me lit kin ibas diri kalimbubuta ........mergana TERGELAR bagi sikataken kami enda, janah me labo kami salah tepetten impal ?
20. Anak Beru Sinereh :
Eak mama, impal , mami ,nina turangku bagepe kam kerina kalimbubu kami. Ibas kerehen Y mergana ku jabundu sekalenda, enggo iturikenna kerna sura-surana, e me kap : enggo lit arih-ari simedanak , arih-arih singuda-nguda anak perana telebih-lebih enggo tutuskal atena ibas njabuken bana. Emaka nungkun ...........mergana erkelang-kelangken kami Anak Beru, Me lit kin ibas dirindu si tergelar.....................bere-bere..............kempu........... maka orati kami kari terdauhen adi lit kin ibas dirindu gelar bagi sibelaskenna e.
21. Sukut SiNereh 1:
Ah kap nina anak beruta, maka enggo lit arih-ari simedanak nangndangi dirita . me lit kin ibas dirita si tergelar.....bere-bere.......kempu............. maka sibelasken man anak beruta. Sioraten kita !
22.Sukut SiNereh :
Kerina kam anak beru kami, kam kap si ermakan nangndangi kami kalimbubundu. Tentu, kam pe tandaindu nge kerina permakanenndu i tengah-tengah jabu kami.
23.Anak beru SiNereh :
Payo bagi katandu kalimbubu kami, kami nge sipermakani dirindu. Tapi ibas tepeten e, la banci jului kami belas-belasndu kerna dirindu i tengah jabundu.
24. Sukut Sinereh : ( arih-arih sukut sinereh )
Ah me nina anak beruta, em tandana mehamat ia erkalimbubu. Adi bage, kita lah erbelas kerna dirinta. Sitergelar bagi sikataken anak beruta, lit itengah-tengan jabu sembuyakta Si........
25.Sukut Sinereh 2.
Adi bage, Kataken man anak beruta, bagi sitergelar si ikataken anak beru ........mergana ndai lit ibas dirita.
26. Anak Beru SiNereh :
Bagenda impal, penungkunenndu kerna DIRI kalimbubu kami, maka Lit nge ibas diri Kalimbubu kami. Adi bage, kai denga kin sura-surandu ?
27.Anak Beru Si Empo
Eak mama,impal. Kerna penungkunenta diri kalimbubuta sitergelar bagi sibelaskenndu ndai Lit ibas diri kalimbubuta. Kai nari dage sura-surata nangdangi kalimbubuta , arih kam gelah ituriken kami anak berundu.
II. NUNGKUN KATA – KERIAHEN KALIMBUBU
28. Sukut SIEMPO
Adi bage, turikenndulah tole sura-suranta kerna Nungkun Kata ras Keriahen ukur Kalimbubu bagepe teman
kami sendalanen anak beru X mergana. Terbeluh kam encibalken kata.
29.Anak Beru SIEMPO
Bagenda impal, Kerna ketutusen ate nangndangi diri kalimbubuta............mergana, emaka ibas wari sisendah ate kami Nungkun Kata Keriahen ukur kalimbubuta bagepe ras kam kerina anak beru .......mergana, Adi banci min erjabu/erdemu min ate diri kalimbubu kami ras diri kalimbubuta ........mergana.
30. Anak Beru SiNereh
Eak mama, impal. Ah kap nina .........mergana erkelang-kelangken kami Anak berundu, sue ras ketutusen atena emaka ibas wari sisendah atena Nungkun Kata Keriahen Ukurndu kerina kalimbubu kami, adi banci erdemu min atena ras dirindu kalimbubu kami. Uga ningkami ngaloi kata anak beru...........mergana.
31. Sukut SiNEREH 1
Ah kap nina anak beruta, kepeken sura-sura Y mergana , erdemu min atena ras dirinta. Uga ninta ngaloi ranan anak beruta.
III.PETANGKAS Sidilaki (si-empo) ras Sidiberu (si-sereh)
32. Sukut SiNereh2
Bagenda impal, kam anak beru kami. Enggo kin tangkas penandaindu ise sierdemu atena e, cuba dage siksikindu.
33.Anak Beru Sinereh :
Eak impal, ope denga ijawab kami penungkunenndu ndai, apai dage kalimbubundu si erdemu atena ras diri kalimbubu kami e, maka petangkasndu gelah tangkas ka man kami.
34. Anak Beru SiEMPO
Tedis kam permen (calon Penganten Sidilaki), Aku jelmana nindu,
35. Calon SIEMPO : Aku jelmana bengkila, enggo tutus dingen keleng ateku, emaka teruskenndu runggu enda bengkila.
36.Anak Beru SiEMPO :
Enda jelmana impal. Me enggo tangkas man bandu ?
37.Anak Beru Si Nereh:
Petedisna Sitersereh, Payo kin ah jelmana sienggo lit arih-arih kena e permen ?
38. SITERSEREH :
Payo bengkila, enggo tutus ateku, teruskenndu bengkila.
39. Anak Beru Sinereh :
Eak mama, impal. Enggo ndai siksiki kami janah enggo orati kami pe permen kami. Maka payo nge e temanna arih-arih e. Adi bage, uga dage ningkami ngaloi ranan Anak beru ........Mergana ndai.
40. Sukut SiNEREH 1 :
Uga dage ninta kerina sukut ibas ngaloi ranan anak beruta.
IV.NGORATI ANAK BERU /Bibina
41.SUKUT SINEREH 2 :
Bagenda anak beru kami, enggo gia lit arih-arih permenndu ras ......mergana, tapi kam nge kerina anak beru kami bagepe turang kami sindoah didongken permenndu anak kami beru............... enda
Emaka kam lah simetehsa kerna permenndu. Arihlah kam kerina anak beru kami.
42. Anak Beru SINEREH (Sapih-sapih ia )
Ah kap nina kalimbubuta, kita kap simetehsa kerna permenta beru........uga dage ninta. Sioraten dage kita entahkin enggo lit anakta anak perana, entahpe enggo leben lit siarih-arihi permenta beru.....uga ninta nake !
43. Anak Beru Sinereh 1 :
Bas kami lenga bo lit, tapi sioratilah kemberahen/bibi/impalta kerina sebab ia nge sierdoah didong si Roahisa kitik-kitik nari permenta. Eak, senina (Anak Beru Sinereh 2), Tedis kam, maka kam ngoratisa impalta kerina
44.Anak Beru Sinereh 2 :
Man bandu kerina Bibi/impal/permen kami. Ibas wari sisendah enggo reh .............mergana ku jabu kalimbubuta atena nungkun kata keriahenta maka atena erdemu ras permenta sitergelar..............beru........ Emaka uga ibas kam kerina impal/bibi kami. Meriah nge ukurta ? entahkin enggo leben lit arih-arihndu ras permenta beru..... Arih dage kam kerina/si oraten dage kam.
(Cataten : Adi kune ije sitahanen/La meriah ukur bibina,maka pekepar Calon sidilaki ras orangtuana mereken kampil/isap man Anak beru/bibi sidiberu maka pesalangna kerehenna ku jabu kalimbubu).
45.BIBI SIDEBERU : (ORATI BIBINA PERMAINNA)
Ija kam ndai permen bibina, enggo kin tutus kel atendu e... lit nge impalndu irumah... meganjang kang sekolahna enggo erdahin, sikap pendahinna, ganteng mbestang kang kerina....
46. Nina Calon sisereh man Bibina : kueteh nge impalku enterem bibi... tapi enda pe anakndu kang bibi, mehuli kal ia... beluh nge aku pagi mbaba-mbabaisaisa ku kam kerina, segelah ras kam pagi ngepkep kalimbubuta.
47. Nina Bibina ku Sapih-sapih ia : eak.. ija kita kerina bibina... enam me enggo sibegi kai nina permenta... mehuli nge ia nina... me meriah nge ukurta ngalokensa... ibabaina nge pagi ia ndahi kita nina...
48. BIBI SIDIBERU :
Adi oratindu kerna kerna keriahen ukur kami, labo kami beluh njawabsa meriah tah lang !. Erkiteken anakta pe enggo lit galang, enggo ka erdahin, terlebih kami nge si roahisa kitik-kitk nari permen kami enda, emaka morah kal ate kami,..... Tapi uga ibahan, la sangap sekalenda kami beru........ Tek kami, jodoh, pudun erjabu emekap ibas Tuhan nari, lanai bo peratenta sijadi. Enterem denga kap permenta, e pagi endik-endik kami man singumban kami. Terlebih-lebih pe si reh ena ndai nambah-nambahi temanta nampati dahin ibas kalimbubuta, enda me sinambah-nambahi keriahen ukur kami. Emaka sipesalanglah dalan man ..............mergana ku jabu kalimbubuta. Ulanai simorahi !
V.Sukut SiNereh ras Anak Beru Arih, Kerna Nungkun Kata Keriahen Ukur
49. Anak Beru SINEREH :
Eak mama /impal. Enggo kami arih kerina anak berundu, maka enggo ersada arih kami guna pesalang dalan ibas ate ............mergana erdemu ras permen kami beru.......... Terlebih ertambah-tambah keriahen kami sebab enggo tambah pagi teman kami ibas ndungi dahin-dahinndu kam kerina kalimbubu kami. Adi bage, uga dage ibas kam kerina kalimbubu kami, maka banci aloi kami sura-sura ..............mergana erkelang-kelangken anak beruna.
50.Sukut Sinereh 1:
Ah kap nina anak beruta, maka ia pe meriah ukurna. Uga dage ninta kerina sukut X mergana.
51. Sukut Sinereh :
Adi kam pe Anak beru kami enggo meriah ukurndu, kami pe meriah ukur kami. Teruskenndu percakapenta.
52. Anak Beru SiNEREH :
Eak impal, sue ras pemindonndu ibas nungkun kata keriahen kalimbubu bagepe ras kami anak beru....mergana, maka enggo meriah ukur kami ibas kerehendu sekalenda. Adi bage, kuja nari percakapenta.
53. Anak Beru SIEMPO:
Bujur impal, enggo kami sampatindu kerna sura-sura kami ras kalimbubu kami. Ertima kam lebe maka peseh kami ranan enda man kalimbu kami.
54. Anak Beru SIEMPO :
Man kam kerina kalimbubu kami..........mergana ras temanndu sedalanen, Kerna pemindonta ibas wari sisendah ibas nungkun kata Keriahen kalimbubu.........mergana bagepe ras Anak beruna ibas sura-sura permen kami erdemu ras diri kalimbubuta........mergana, maka enggo meriah ukurna kerina. Adi bage, kuja nari siterusken rungguta enda.
VI. ERBAHAN GELAR MABA BELO SELAMBAR
55. SUKUT SI EMPO :
Pertama-tama pesehndu lebe pengataken bujurta man Kalimbubu.....mergana terlebih kerina Anak beru ........mergana ibas enggo ipesalangna dalan man kalimbubuta................mergana. Adi bage, oratindu anak beru .......mergana, maka adi banci min ibas wari sisendah sibahan gelarna MABA BELO SELAMBAR.
56.Anak Beru Si empo :
Bagenda impal, Adi enggo meriah ukur kalimbubuta terlebih kam Anak beru, tandana tutus ate kami uga akapndu adi perjumpanta enda sibahan gelarna MABA BELO SELAMBAR.
57. Anak beru SiNEREH :
Eak mama/impal. Adi enggo ersada arihta, maka reh nina anak beru ...........mergana, enggo nge banci sibahan gelar perjumpanta ibas wari sisendah Maba Belo Selambar ?
58. Sukut Si Nereh :
Ibas kam lebe anak beru kami, adi enggo ersada arihndu, kami pe kalimbubundu enggo ersada arih kami maka ibas wari sisendah sibahan gelarna Maba Belo Selambar.
59. Anak Beru SiNEREH :
Adi bage, enggo ersada arih kami ras kalimbubu, maka enggo banci siban gelar perjumpanta enda maba belo Selambar.
60.Anak Beru SiEMPO :
Bujur impal, ertima kam lebe maka peseh kami lebe man kalimbubu kami.
61. Anak Beru Si Empo :
Man bandu kerina kalimbubu kami ras temanndu sendalanen, eggo ersada arihta pekepar ibas wari sisendah, enggo si uen cakapta ibas gelar Maba Belo Selambar.
62. Sukut Si Empo :
Bujur man bandu kerina anak beru kami, enggo erlayas banndu ibas rungguta sekalenda. Kataken pe bujur man Kalimbubuta..............mergana, terlebih anak beru ..........mergana. Janah sikataken pe bujur man Tuhan Dibata ibas pengajarina kita kerinana ibas rungguta enda.
63. Anak Beru SiEmpo.
Bujur ikataken kami man bandu Anak Beru X mergana ibas penampatindu kami, terlebih pesehndu pengataken bujur kalimbubu kami Y mergana ibas enggo ersada arihta erbahan perjumpanta ibas wari si sendah e me kap Maba Belo Selambar.
G. ERMOMO
Man Kalimbubu terus ku puang kalimbubu kerna enggo ibahan gelarna perjumpan ibas wari
sisendah e me kap : Maba Belo Selambar.
64. Anak Beru SiNereh.
Adi bage, me enggo banci sigulung amak rungguta impal ? maka enggo banci kita ngisap-ngisap ras kalimbubuta.
65. Anak Beru SiNEREH :
Ula lebe impal, ertima kam, orati kami lebe kalimbubu kami entah lit denga kari sura-sura kami nangndangi kalimbubuta.
RUNGGU NGANTING MANUK
1. PERSENTABIN ITINGKATKEN NGANTING MANUK
1. Anak Beru Siempo :
Man Kam kerina kalimbubu kami ras temanndu sedalanen, adi enggo dung kita Maba Belo Selambar, kai nari dage sura-suranta nangndangi kalimbubuta X mergana gelah banci terusken kami rananndu enda arah anak beruna.
2. Sukut Siempo
Ah kap nina anak Beruta, sue ras arihta me ibas wari sisendah nge sipindoken gelah itingkatken ku NGANTING MANUK ?
3. Sukut Siempo 1
Payo senina, maka ibas wari sisendah ka min sipindoken Nganting manuk, tapi ope sikataken man Anak Beruta, ngadap lebe kita man Kalimbubu Singalo ulu emas, gelah sipersentabi lebe man bana sura-surata e.
A. NGADAP MAN ULU EMAS
4. Sukut Siempo :
Sinihamati kami kam kerina kalimbubu Singalo ulu Emas, 1..2,...3...4..........mergana, ndai enggo sue arih pekepar ibas kalimbubu X mergana bagepe kami anak berundu Y mergana, maka enggo ibahan gelarna Maba Belo Selambar. Rikutken si e, enggo ersada arih kami kerina Anak berundu bagepe anak beru kami segelah ibas wari sisendah ka min i tingkatken ku nganting manuk. Ope ituriken kami sura-sura kami nangndangi X mergana, mindo kami persentabin man bandu kalimbubu kami Singalo Ulu Emas ikut pe Puang kami Singalo Ciken-ciken segelah pelapangndu sura-sura kami i tingkatken ku nganting manuk ibas wari sisendah.
5. Singalo Ulu Emas :
Man kam kerina anak beru sikelengi kami, adi kin enggo ersada arihndu kerina bagepa ras anak beru minteri kami, adi kami kalimbubundu ikut nge petunggungken kam, emaka kami pe kalimbubundu si empat merga ersada arih kami ermeriah ukur, adina kin ibas wari sisendah pe i tingkatken nganting manuk.
6. Sukut SiEmpo :
Bujur man bandu kalimbubu kami Singalo Ulu Emas si empat merga
7. Singalo Ulu Emas Ngadap man Puang Kalimbubu Singalo Ciken-ciken :.......dst
B. Persentabin man Sukut SiNereh
8. Sukut SiEMPO:
Man kam Anak Beru Kami, gelah pesehndu rananta man Anak Beru Y mergana, adi banci min ibas wari sisendah ka min i tingkatken ku nganting manuk. Terbeluh kam encibalken ranan man anak beru Y mergana, enda labo engkurangi kehamaten nandangi Kalimbubuta Y mergana, tapi erkiteken ketutusen ate bagepe kekelengen rikutken kecibal ras situasita gundari i Jabotabek enda.
9. Anak Beru Siempo:
Eak impal, Anak Beru Y Mergana kam kerina. Bagenda impal ! Kami ras Kalimbubu kami enggo sangkep reh ibas wari si sendah, emaka alu dem meteruk ukur mindo kami perkuah ate kalimbubuta ras kam kerina anak beru Y mergana, segelah min ibas wari sisendah ka min i tingkatken ku Nganting Manuk. Enda Labo engkurangi Kehamaten kami nangdangi kalimbubu, tapi erkiteken situasi ras kondisita i jabotabek enda, terlebih keleng ate ras ketutusen kami nge maka mindo kami alu meteruk ukur segelah pelapang kalimbubuta kari pemindon kami enda.
10. Anak Beru SINEREH :
Man bandu kerina kalimbu X mergana ras temanndu sedalanen, Ah kap nina Y mergana erkelang-kelangken anak beruna. Mindo ia alu meteruk ukur ras perkuah atendu terlebih kalimbubu,puang kalimbubu bagepe kami Anak berundu, labo enda engkurangi kehamaaten, tapi erkiteken ketutusen ate ras Keleng ate nge, emaka adi banci min ibas wari sisendah ka nge i tingkatken ku Nganting Manuk. Uga ningkami ngaloi ranan ana beru X mergana. Arih dage kam kerina Kalimbubu kami.
11. Sukut SiNereh :
Man banta kerina sukut X mergana, enggo tangkas sibegi pemindon Y mergana erkelang-kelangken anak beruta. Kepeken ibas wari si sendah ka itingkatken nganting manuk. Uga ninta ngaloi anak beruta. Arih kita kerina Sukut (Sembuyak,senina/sepemeren/siparibanen/sepengalon). Orati pe terus ku kemberahenta.
12. Sukut Sinereh 1
Bagenda man bandu anak beru kami, oratindu lah lebe terdauhen Anak Beru Y mergana. Enggo kin sikapkenna persyaraten nganting manuk ?
13. Anak Beru SiNereh :
Banci impal, ertima kam maka orati kami
14. Anak Beru SiNereh :
Ija Kam ndai impal , adi kin sura-surandu i tingkatken ku Nganting Manuk, me enggo kin pesikapndu kerina kerna persyaraten Ngantik Manuk. ?
15. Anak Beru SiEmpo :
Uga kin semalna ibas jabu kalimbubuta kerna syarat nganting Manuk.
16. Anak Beru Si Nereh :
Bagi biasana, me ikut kin sekalenda Kalimbubu Singalo Ulu Emas, lit si entebu-entebu, bagepe nakan gulen adumna manuk cipera.
17. Anak Beru SiEmpo :
Enggo tutus kal ate kami impal, reh sekalenda Kalimbubu Singalo Ulu Emas, Sientebu-entebu pe enggo sikap, terlebih ibaba kami nakan gulenna Cipera adumna manuk.
18. Anak Beru SiNereh :
Bagenda impal, kerna sarat-sarat Nganting manuk enggo sikap ibaba Y mergana. Uga dage ningkami ngaloi ranan anak beru Y mergana kerna i tingkatken ku Nganting Manuk Ndai.
19. Sukut Si Nereh :
Ah kap nina anak beruta, uga dage ninta ngaloisa ranan anak beruta. Arih kita kerina ras biak seninata. (Persadana arihna)
20. Sukut SiNereh 1 :
Adi kita enggo ersada arih ras Anak beruta segelah si-aloken pemindon Y mergana kerna itingkatken ku Nganting Manuk, mehuli kuakap adi erpersentabin kita man Kalimbubu Singalo Bere-bere bagepe Puang Kalimbubu Singalo Perkempun. Ota ngadap kita man kalimbubuta.
C. NGADAP KU KALIMBUBU SINGALO BERE-BERE-SINGALO PERKEMPUN
21.Sukut Sinereh :
Sentabi kami man bandu kalimbubu kami Singalo Bere-bere ( Sebut Mergana...1.2.3.4 ) ras temanndu sendalanen, ndai enggo ersada arih maka enggo ibahan perjumpanta Maba Belo Selambar. Rikutken KELENG ATE ras situasita i Jabodetabek enda, terlebih ketutusen Y mergana nangndangi diri kami, Bere-berendu, emaka mindo Y mergana alu meteruk ukur janah dem alu kehamaten ras mindo perkuah ate, segelah ibas wari si sendah ka min i tingkatken ku Nganting manuk. Kami kerina Anak berundu, enggo ersada arih kami ras Anak Beru Minterindu maka erpengue kami kerna pemindon Y mergana. Emaka uga nindu kalimbubu kami kerina kam Singalo bere-bere, arih kam kalimbubu kami.
22. Kalimbubu Singalo Bere-Bere :
Kita kerina kalimbubu singalo bere-bere, enggo tangkas kataken anak beruta kerna dahinta ibas wari si sendah. Adi banci min itingkatken ku nganting manuk. Alasen kekelengen janah enda labo engkurangi kehamaten man banta ibas pemindonna e, uga ninta kerina kalimbubu singalo bere-bere. Arih kita, terusken pe man kemberahenta. ( Arih-arih sapih ia)
23. Kalimbubu Singalo Bere-bere :
Kam kerina anak beru kami, kuda dalan kami sinatang-natang kami kalimbubundu. Adi enggo ersada arihndu kerina bagepe anak beru minteri kami, kami kalimbubu pe pehagaken kam. Ersada arih kami ibas wari si sendah i tingkatken nganting manuk.
24. Sukut SiNereh :
Bujur ikataken kami man bandu kalimbubu kami, adi bage, sampatindu ranan kami man puang kami singalo perkempun, maka kam pesehsa ranan kami ndai man bana.
25. Singalo Bere-bere, ngadap ku Puang Kallimbubu Singalo Perkempun : ........dst
26. Sukut SiNereh :
Man bandu kerina anak beru kami, enggo sue arih ibas kami kalimbubundu seh pe ku kalimbubu singalo bere-bere bagepe ku puang kalimbubu singalo perkempun, terlebih-lebih kam pe anak beru kami terus ku anak beru minteri. Kerna pemindon Y mergana ibas wari sisendah, enggo banci i tingkatken nganting manuk.
27. Anak Beru SiNereh :
Ue mama, adi bage, terusken kami me percakapen kami ras anak beru Y mergana.
28.Anak Beru SiNereh :
Ija kam ndai impal, kerna pemindonndu ras kalimbubundu itingkatken ku nganting manuk enggo ersada arih kami . Enggo erpengue kalimbubu terus ku puang kalimbubu, enggo banci sekalenda kita nganting manuk.
29. Anak Beru SiEmpo :
Bujur impal, ertima kam lebe maka ipeseh kami ranana enda man kalimbubu kami.
30. Anak Beru SiEmpo :
Man bandu kam kerina kalimbubu kami Y mergana, sue ras pemindonta kerna itingkatken Nganting Manuk ibas wari sisendah, enggo erpengue Kalimbubuta bagepe terus ku puang, terlebih Anak beru X mergana, enggo banci kita sekalenda nganting manuk.
31. Sukut SiEmpo :
Ah kap nina Ana Beruta, me meriah ukurta ?
32. Sukut Siempo 1 :
Bagenda nindu man Anak Beruta, Sipemena lebe sikataken Bujur man Tuhan Dibata erkiteken ibas pengajarina enggo ersada arihta pekepar. Bagepe sikataken bujur man kerina Sangkep nggeluh X mergana ibas perkuah atena enggo banci erdalan rungguta enda ku nganting manuk.
33. Sukut SiEmpo :
Man kam anak beru kami, adi bage enggo banci teruskenndu rananta ku ranan nganting manuk.
34. Anak Beru SiEmpo :
Banci mama, impal. Gelah terusken kami.
2. PEDALAN SIENTEBU-TEBU (Gulame/wajik/cimpa rsd)
35. Anak Beru SiEmpo :
Ija kam ndai impal ! kam kerina anak beru X mergana. Adi enggo ersada arihta i tingkatken ku Nganting Manuk, Uga kin semalna ibas jabu kalimbubuta. I Pedalan kami ngenda lebe kempil kehamaten, entah sarat-sarat nganting manuk lebe pedalan kami.
36.Anak Beru SiNereh : Pedalanndu lebe Sientebu-entebu ndai impal. Arah kami Anak Beru lebe pementasndu maka nanami kami.
37. .................................................................pedalan sientebu-tebu ................................................
Kenca seser kerina, orati kalimbubu, uga nanamna ; adi enggo entebu nina kalimbubu emaka pedalin kampil kehamaten si 6.
3. NEHKEN KAMPIL KEHAMATEN
38. Anak Beru SiNereh :
Ija kam ndai impal, luah sibabandu enggo seser kerina arah kami. Kam gia me enggo seser kerina seh ku kalimbubu ? Entabeh, entebu melam nanamna.
39. Anak Beru SiEmpo :
Adi bage, me enggo banci pedalan kami kampil kehamaten ?
40. Anak Beru SiNereh :
Man bandu kalimbubu kami X mergana, me enggo banci aloken kami kampil kehamaten arah Y mergana nari ?
41. Sukut SiNereh :
Enggo impal, alokenndu
42. Sukut Sinereh :
Enggo banci pedalanndu kampilndu impal
43. Anak Beru SiEmpo : Piga pedalan kami
44. Anak Beru SiNereh : bagi semalna , 6 pedalanndu. ( cat : 1 kampil e isapna 2 ras colokna 2 )
45. Anak Beru SiEmpo : Enda dage kampil kami impal, pedalan kami 6
46. Anak Beru SiNereh : (Ngaloken Kampil janah iendeskenna man kalimbubuna 6 kampil ndai )
47. Sukut SiNereh : Enda 1 kampil, endeskenndu man kalimbubu Singalo Ulu Emas.
( endeskenna kampil man Kalimbubu S.Bere-bere, S.Perkempun. S Perbibin bagepe Anak Beru )
48.Sukut Sinereh : Enda pengisapenndu kam kerina Kalimbubu Singalo Bere-bere bagepe man belo mami nina turangku. Pesehndu sada man Kalimbubu Singalo Perkempun, bagepe Perbelon man Perbibin.
49. KENCA ENGGO NGISAP-NGISAP RAS MAN BELO : Sukut Pekepar ERMOMO man Kalimbubu seh ku Puang kalimbubu Nina :
50. SUKUT SINEREH/SUKUT SI EMPO : Man kam kerina kalimbubu kami ( sebutken mergana 1 2 3 4 tingkat ) /Puang kalimbubu (sebutken mergana 1 2 3 tingkat ) , ersentabi kami man bandu. Enda ibenaken kami me Runggu Nganting Manuk. Tertinggel-tinggel dingen Tangar-tangari kam runggu enda, ija kari akapndu man embaren, embari kam kami.
NGORATI KATA KAMPIL
51. Anak Beru Sinereh :
Man bandu kalimbubu kami X mergana, enggo ulihken kami kampil kehamaten ibas Y mergana nari . Me enggo banci orati kami kata kampil ?
52. Sukut SiNereh : Enggo impal, enggo entabeh akap kami ngisap ras man belo kerinana, enggo banci oratindu sura-surana
53.Anak Beru SiNereh :
Ija kam ndai impal, Anak beru Y mergana. Enggo entabeh akap kami ngisap ras man belo nina kalimbubu seh pe ku puang kalimbubu kami, kai dage kata kampil dingen sura-surandu.
54. Anak Beru SiEmpo :
Ertima kam lebe impal, orati kami lebe kalimbubu kami.
55. Anak Beru SiEmpo :
Bagenda impal, Y mergana kam kerina , Enggo entabeh ngisap ras man belo nina kalimbubuta X mergana. Kai dage sura-surata nangndangi kalimbubuta X mergana, gelah ibelasken kami.
4. NUNGKUN ENGGO BANCI EMPO
56. Sukut SiEmpo :
Adi bage, oratindu kalimbubuta X mergana erkelangkelangken anak beruna, Me enggo nge kita banci EMPO ?
57. Anak Beru Si Empo :
Banci mama, gelah peseh kami katandu enda !
58.Anak Beru SiEmpo :
Bagenda Impal, Adi enggo entabeh ngisap ras man belo nina kalimbubu terus ku puang kalimbubu, enda nungkun kalimbubu kami Y mergana, nina: ME ENGGO BANCI KAMI EMPO kujabu kalimbubuta Y mergana ? nina kalimbubu kami X mergana. Oratindu dage kalimbubuta Y mergana.
59. Anak Beru SiNereh :
Ertima kam impal, maka orati kami kalimbubu kami.
60. Anak Beru SiNereh :
Eak mama, impalku kam kerina, mami bagepe nina turangku. Enda ningkun Y mergana erkelang-kelangken kami anak beru. Enggo ndai erdalan sientebu-entebu, entebu nanamna, janah enggo ka erdalan kampil si 6. Enda nungku Y mergana nangndangi kam kalimbubu kami X mergana. Nina : Me enggo banci kami empo ku jabundu X mergana ? uga ningkami, arih kam kerina kalimbubu kami.
61. Sukut SiNereh :
Bagenda man kam anak beru kami, enggo ersada arih kami kerina kalimbubundu. Enggo banci empo Y mergana ku jabu kami. Endam pesehndu !
62. Anak Beru Sinereh :
Banci mama, peseh kami dage .
63. Anak Beru SiNereh :
Eak impal, Reh nina kalimbubu kami Y mergana, Enggo banci kalimbubundu X mergana empo kujabuna. Kai nari sura-surandu impal !
64. Anak Beru Si Empo :
Bujur impal, ertima kam maka peseh kami lebe man kalimbubu kami.
65. Anak Beru SiEmpo :
Ija kam ndai mama, impal . Reh nina kalimbubuta X mergana, enggo banci kam empo kujabu X mergana.
5. ERSINGET-SINGET GANTANG TUMBA
66. Sukut SiEmpo :
Bujur sikataken man kalimbubuta X mergana. Adi enggo kita banci empo, oratindu dage Kalimbubuta X mergana, uga kin semalna ibas jabuna kerna Singet-singet gantang tumba entah kin sijalapen kita lebe.
67. Anak Beru SiEmpo:
Ue mama, banci orati kami.
68. Anak Beru siEmpo :
Bagenda impal, pemena lebe peseh kami pengataken bujur man kalimbubuta X mergana erkiteken enggo banci kalimbubu kami Y mergana empo kujabu kalimbubuta X mergana. Tambah si e, erpenungkunen kami man bandu, uga kin semalna ibas jabu kalimbubuta, Ersinget-singet kerna Gantang Tumba entah Sijalapen kita Lebe.
69. Anak Beru SiNereh :
Adi biasana ibas jabu Kalimbubu Kami, ersinget-singet lebe impal !
70. Anak Beru SiEmpo :
Adi bage, ertima kam impal, maka peseh kami man kalimbubu kami.
71. Anak Beru SiEmpo :
Man bandu kalimbubu kami, bagi semalna ibas diri kalimbubuta ersinget-singet kita lebe kerna gantang tumba.
72.Sukut SiEmpo :
Merandal bere-bere, Ope denga kita ersinget-kerna gantang tumba kalimbubuta X mergana, ertima kam lebe gelah peseh kami lebe kata enda man Kalimbubu Singalo Ulu Emas ras Puang kalimbubu Singalo Ciken-ciken.
PERSENTABIN KU SINGALO ULU EMAS/SINGALOCIKEN-CIKEN
73. Sukut SiEmpo :
Man bandu kerina Kalimbubu kami Singalo Ulu Emas ( 1,2,3,4,mergana ) ras temanndu sendalanen, enda ibenaken kami ersinget-singet kerna gantang tumba, tertinggel-tinggel kam. Adi lit kari akapndu siman embaren, embari kam kami.
74. Kalimbubu SiNGALO ULU EMAS :
Merandal Anak beru kami, teruskenndu. Kami enggo sikap megi-megi
75. Sukut SiEmpo :
Pesehndu pe rananta enda man Puang kami Singalo Ciken-ciken, gelah ia pe ngembari.
76. Kalimbubu Singalo Ulu Emas :
Man bandu kerina Puang kalimbubu Singalo-ciken-ciken ( 1,2,3 mergana), enda ibenaken anak beru menterindu kerna esinget-singet gantang tumba. Tertinggel-tinggel kam puang kalimbubu kami. Maka Tangarindu guna pesikapsa.
77. Puang Kalimbubu SINGALO CIKEN-CIKEN :
Enggo aloken kami rananndu anak beru kami, teruskenndu percakapenta.
78.Kalimbubu Singalo Ulu Emas :
Enggo seh bas kami rananndu anak beru kami, enggo banci teruskenndu rungguta.
79. Sukut SiEMPO :
Bujur man bandu kalimbubu Singalo Ulu Emas bagepe Puang Kalimbubu Singalo Ciken-Ciken.
80. Sukut SiNEREH :
Man kam anak beru kami, enggo banci teruskenndu rananta kerna singet-singet gantang tumba.
81.Anak Beru SiNereh:
Ue mama, impal !
NUNGKUN GELAR GANTANG TUMBA
82. Anak Beru SiNereh :
Ija kam ndai anak beru X mergana, uga kin turi-turinna ibas kalimbubuta X mergana. Kai gelarna pengalon kalimbubuta X mergana.
83. Anak Beru Sinereh :
Ertima kam lebe impal, maka orati kami kalimbubu kami.
84.Anak Beru SiNereh :
Man kam kerina kalimbubu kami X mergana me enggo banci sicakapken kerna gantang tumba dirindu kalimbubu kami. Arih kam kerina.
PERSENTABIN KU SINGALO BERE-BERE /SINGALO PERKEMPUN
85.Sukut SiNEREH :
Ertima kam lebe anak beru kami, maka peseh kami lebe ranan enda man kalimbubu Singalo Bere-bere bagepe Puang Kalimbubu Singalo Perkempun.
86. Sukut SiNEREH :
Man bandu kerina Kalimbubu kami Singalo Bere-bere (sebutken 1,2,3,4 mergana mulai datas nari) enda ibenaken kami ercakap kerna gantang tumba bere-berendu beru X, tertinggel-tinggel kam. Adi lit kari akapndu siman pesikapen, embari kam kami anak berundu.
87. SINGALO BERE-BERE :
Man bandu anak beru kami kerina, enggo seh rananndu man kami, kami kalimbubundu enggo sikap megi-megi.
88. Sukut SiNereh :
Bujur kalimbubu kami, teruskenndu dage man puang kami singalo Perkempun.
89. SINGALO BERE-BERE :
Man bandu kerina kalimbubu kami Singalo Perkempun, enda iterus anak beru menterindu kerna ersinget-singet gantang tumba, tertinggel-tinggel kam. Adi lit kari akapndu siman pekenan, radu ras kita ngembarisa.
90. SINGALO PERKEMPUN :
Merandal anak beru kami, kami kalimbubundu enggo sikap megi ranan anak beru menteri kami.
91. Kalimbubu Singalo BERE-BERE:
Man bandu anak beru kami Y mergana, Kami kalimbubundu Singalo Bere-bere bagepe Puangndu Singalo Perkempun, enggo seh persentabin man kami. Enggo banci teruskenndu rananndu ras anak beru menteri kami.
92. Sukut Sinereh :
Bujur Kalimbubu bagepe ningkami man puang kalimbubu
ERBAHAN GELAR : TUKUR
93. Sukut SiNereh :
Ija kam ndai Anak Beru kami kerina, Enggo banci teruskenndu percakapenta.
94.Anak beru SINEREH :
Ue mama, terusken kami. Adi bage uga dage kerna pengalonndu kalimbubu kami. Asa pemeteh kami ibas wari sisendah TUKUR ban kami gelarna. ( Cataten : gelar pengalon bergantung ras kuta si nereh)
95. Sukut SinEREH :
Payo sikatakenndu ena anak beru kami.
96. Anak Beru SiNereh :
Ija kam ndai anak Beru X Mergana, sue ras perjumpanta ibas wari sisendah, bagi semalna ibas diri kalimbubu kami Y mergana, TUKUR siban gelarna.
NGORATI GANTANG TUMBA/TUKUR
97. Anak Beru SiEMPO :
Adi bage, asakai dage tukur beru Y
98. Anak Beru SiNereh :
Ertima kam impal. Maka orati kami kalimbubu kami.
99. Anak Beru SiEmpo :
Man bandu kalimbubu kami, asakai dage tukur beru X. Arih kam kerina kalimbubu kami.
PEKEPAR SINGALO ULU EMAS KUJABU SUKUT X MERGANA (ngisap-ngisap/ertutur
100. Sukut SiEmpo :
Bagenda nindu man anak beru Y mergana, adi kujenda ndai Singalo Ulu Emas, suruh lebe ngepar ia kujabu kami gelah arih-ari lebe kami ras ia.
..................................piga-piga singalo ulu emas ngepar ia ku sukut si nereh..........................
PERCAKAPEN SUKUT SINEREH RAS SINGALO ULU EMAS
(ibenai ndudurken isap/ sitandan)
101. Sukut SiNereh :
Man bandu Singalo Ulu Emas, me meriah nge ukurndu adi bere-berendu tumbuk-erjabu ras diri kami beru X ?
102. Kalimbubu Singalo ULU EMAS:
Nambah-nambai keriahen ukur kami, enggo tambah anak i tengah-tengah jabu kami. Dirindu ber X seri pagi idah kami ras beru Y i tengah jabu kami.
103. Sukut SiNereh :
Adi bage, mulai ibas wari sisendah seri erpekuanak kita nangndangi diri kami beru X, terleih sada pengalonta ibas jabu kami erkiteken anak berundu Y mergana. Uga dage sibahan kerna tukur beru X .
104. Kalimbubu SINGALO ULU EMAS :
Bagenda kam kerina sukut X mergana, mehaga kal iakap kami ilebe-lebendu erkiteken nindu sada kita ibas pengalon erkiteken anak beru kami, emaka uga kin semalna tukur beru X ibas kam sukut X mergana bagelah banndu, kami ngikuti.
105. Sukut SiNereh :
Adi bage nindu, merandal. Bujur man bandu singalo ulu emas.
BILANGEN GANTANG TUMBA/TUKUR RAS LUAH
106. Sukut SiNereh :
Man Bandu anak beru kami, enggo kami ercakap ras singalo ulu emas. Kam kap sinatang-natang kami nai nari. Kam pe enggo nge tehndu asakai kin tukur beru X.
107. Anak Beru SiNereh :
Asa penginget kami, mbaru denga ka nge kita erkerja maka tukur beru X = ....................... bage gia entah enggo lit kin perubahen ibas kam ? arih kam kalimbubu kami.
108. Sukut Sinereh :
Enggo payo sikatakenndu ena, em pesehndu man anak beru Y
109. Anak Beru SiNereh:
Bagenda impal, Tukur Beru X = ....................
110. Anak Beru SiEmpo :
Kam kalimbubu kami Y mergana, tukur beru X = ..............
111. Sukut SiEmpo :
Enggo merandal, oratindu deba nari pengalon kalimbubu.
112. Anak Beru SiEmpo :
Kai nari deba ibas kalimbubuta.
113. Anak Beru SiNereh :
Perseninan = .............
PENGALON KALIMBUBU
114. Anak Beru SiEmp:
Adi bage, uga pengalon kalimbubu si telu sada dalanen.
115. Anak Beru SiNereh :
Ope denga peseh kami man kalimbubu kami, uga kin ngenda bentuk kerja, bagepe luah peradaten.
116. Anak beru SiEmpo man Sukut SiEmpo:
Man bandu kalimbubu kami, enda nungkun kami man bandu. Uga kin kerna bentuk kerja, bagepe luah kalimbubu telu sada dalanen, maka katandu e lah belasken kami.
117. Sukut SiEmpo :
Kerna kerja adat, lit pagi sibahan. Kerja e kerja sintengah, tenahken kerina kade-kade. Luah peradaten enggo sikap. Inganna: ija pagi nina kalimbubuta ije sipajekken lape-lape, Ndigan kerja e, arih kita kari ras kalimbubu, ija kari menahang ras salang sai dahin nina kalimbubuta, ije sibahan.
118. Anak Beru SiEmpo :
Me enggo begindu impal ! Lit pagi kerja e mekap kerja sintengah. Tenahken kerina kade-kade. Luah kalimbubu enggo pesikap kami.
119. Anak Beru Si Nereh :
Bagenda mama, Lit pagi kerja e mekap kerja sintengah. Tenahken kerina kade-kade. Luah kalimbubu enggo pesikap. Oratindu dage pengalon kalimbubuta Singalo bere-bere, singalo perkempun terus ku singalo perbibin.
120. Sukut SiEmpo :
Man bandu kerina kalimbubu kami Singalo Bere-bere, enggo seh paksana nungkun kami man bandu asakai pengalonndu kam kalimbubu kami. Tukur bere-berendu Rp,................... Uga ibas kam kerina kalimbubu kami singalo bere-bere, enda si man ela-elanndu ngenca, luah peradaten enggo pesikap.
121. Singalo Bere-bere :
Ah kap nina anak beruta, tukur bere-bereta Rp.................... asakai dage pengalonta. Luah enggo isikapken .
122. Singalo Bere-Bere : Adi bage, pengalon kami Rp,..................................
123. .....................................orati seh ku puang kalimbububagepe anak beru......................... itulisken pekepar.
Ercakap Mata Kerja ( Persikapen, Pasu-pasu, Mata kerja, ingan pulung)
124. Ibas wari Pasu-pasu ras Mata Kerja, orati seh ku Puang Kalimbubu ras Runggun Gereja
125. Ercakap Per-Ose : Penganten, orngtua, sukut,kalimbubu/puang kalimbubu
126. Kerna undangen ( anak beru pekepar/teknis )
127. Anak Beru si Empo Ngogeken Percakapen Runggu /Ermomo
128. Orati pekepar she ku Puang Kalimbubu, entah lit denga silenga icakapken.
129. Sijalapen.
130. Pedalan Pudun si 6 ras endesken ertepeten kempak singalokenca.
131. Ertoto Penutup-man berngi
ENDA ME PIGA-PIGA PERCAKAPEN IBAS RUNGGU MBS – NGANTING MANUK, TENTU MBUE DENGA PERCAKAPEN SI LENGA ITULISKEN KAMI. IBAS KRITIK RAS SARAN SIBEREKENNDU IKATAKEN KAMI BUJUR RASS MEJUAH-JUAH.
Ersinget GANTANG TUMBA Man Pesikapen ( Isesuaiken ras Adat Kuta / Daerah )
|
No |
GANTANG TUMBA |
BUENA |
|
1 |
Batang Unjuken/ Tukur |
|
|
2 |
Perseninan |
|
|
3 |
Rudang-rudang |
|
|
|
|
|
|
4 |
Singalo Bere-Bere |
|
|
5 |
Singalo Perkempun |
|
|
6 |
Perbibin |
|
|
|
|
|
|
7 |
Sirembah Kulau |
|
|
8 |
Perkembaren/Anak Beru |
|
|
|
|
|
|
9 |
Ulu Emas (Arah si Empo) |
Arah siempo ( La iorati ibas MBS ) |
|
10 |
Tambahen Ulu Emas |
Arah siempo |
SIJALAPEN ( Danci pe Sijalapen ibas Mata Kerja )
|
No
|
Gelar Si empo : ...................................................... Bere.............................Kempu.................................. |
Gelar si Sereh : ........................................... Bere .......................... Kempu......................... |
|
1. |
Simupus : |
Simupus : |
|
2. |
Bapana Sipempokenca : |
Sinerehkenca : |
|
3. |
Sembuyakna : |
Turangna : |
|
4. |
Seninana : |
Anak Beru Sinerana : |
|
5. |
Anak Beru Singerana : |
Anak Beru Cekuh Baka : |
|
6. |
Anak Beru cekoh Baka : |
|
Salam Mejuah-juah (Matius Purba)
KERJA ADAT-NGALARI UTANG MAN KALIMBUBU
Tahapen Pedalan Utang Adat ibas Mata Kerja:
1. Ngorati perpulung (pekepar)
2. Pertoton
3. Anak Beru Si Empo Ndudurken Isap kehamaten man Anak Beru Si Nereh
4. Pedalan Kampil Kehamaten (pesikap 6 )
5. Persentabin Man Kalimbubu seh ku P.Kalimbubu Gelah Tertinggel-tinggel
6. Ngorati Kata Kampil ( Osari Pudun )
7. Peseh man kalimbubu seh ku puang Kerna Dahin ( Nggalari Utang Adat )
8. Ngorati kerna perubahen Gantang Tumba seh ku kalimbubu
9. Sijalapen
10. Orati penganten sidilaki ras sidiberu
11. Pedalan Sukat-sukat
12. Nggalari Utang Man Singalo Ulu Emas ( Pekepar Penganten Sidiberu )
13. Ngelegi Beru ( Gendang Ngelegi Beru )
14. Naruhken Penganten Ku Pelaminen
15. Acara Ngerana
16. Persadan Tendi/Mukul
Contoh : Sangkep Nggeluhku – Kuh
1. Sukut : Sembuyak, senina, sepemeren, siparibanen,sepengalon,sendalanen
2. Kalimbubu : ( Nereh = Singalo Bere-Bere / Pe-Empoken = Singalo Ulu Emas )
a. Kalimbubu Tua (Kampah) = ....................................Ginting Munte
b. Binuang/bere2 kai Bapa/ K.Bena-bena = ................................... Tarigan Gersang
c. Simupus/beru kai nandeta/K.simada dareh = ................................... Ginting Munthe
d. Sierkimbang/beru kain Ndehara = ................................... Ginting Suka
e. Kalimbubu Sepemeren/sidilaki: seri berena ras ndehara
f. Kalimbubu Siperdemui (si Empat Merga)
3. Puang Kalimbubu ( Nereh = Singalo Perkempun / Pe-Empoken =Singalo Ciken-ciken )
a. Puang Arah Bulang/bere kai nini = ....................................Barus
b. Puang Arah Bapa /bere kai nande = ....................................Sinulingga
c. Puang Arah Ndehara/bere kai ndehara = ................................. Barus
d. Puang Kalimbubu si Lima Merga
4. Puang Nupuang / Kempu kai nande/ Kempu kai Ndehara (Soler) = .......Kembaren/Bangun.
5. Perbibin ( Arah Si Nereh )/beru ginting suka = ............ ......................Beru kai Nande si sereh
6. Sirembah Kulau ( Arah SiNereh)/beru Purba = ....................................Turang Bapa SiNereh
7. Anak Beru Tua /Cekoh Baka/anak beru iangkip/Anak Beru Sepemeren/Anak Beru Minteri/A.B singukuri
ABT : Brahmana,Milala,Sebayang Kwala,Singarimbun.
=============================================================================================
Dibawah ini kami paparkan alternatif susunan Acara sebagai bahan pertimbangan dan koreksi dalam hal efesiensi waktu dimasa pandemi :
|
Tegun |
Masa Normal |
Waktu |
Alternatif Masa Pandemi |
Waktu |
|
Sukut |
1. Pengalo-Ngalo Sukut 2. Ngerana Sembuyak Simada Kerja 3. Ngerana Sembuyak Sienterem 4. Kemberahen Sukut 5. Tegun Senina Ku Ranan 6. Tegun senina (Sienterem ) Sepemeren : 7. Sepemeren Arah Kalimbubu Tua 8. Sepemeren Arah Kalimbubu Bena-bena 9. Sepemeren Arah Simada Kerja 10. Siparibanen Sendalanen : 11. Sendalanen Arah Bapa Si Erjabu 12. Sendalanen Arah Nande Si Erjabu 13. Sepengalon ( Erkiteken Anak Beru ) |
6 6 6 6 6 6
6
6 6 6 6 6 6 |
1. Kata Pengalo-Ngalo Sukut 2. Ngerana Sembuyak Sienterem 3. Kemberahen Sukut 4. Tegun Senina Ku Ranan 5. Tegun senina (Sienterem ) 6. Sepemeren ( 1 kalak ) 7. Siparibanen 8. Sendalanen/Sepengalon
|
5 5 5 5 5 5 5 5
|
|
Kalimbubu |
1. Kalimbubu Tua 2. Kalimbubu Bena-Bena 3. Kalimbubu Simupus/Dareh 4. Kalimbubu Sierkimbang (mama sierjabu) 5. Ngerana Kemberahen ( mami ) 6. Kalimbubu Sepemeren 7. Kalimbubu / Sendalanen ( Arah Puang ) 8. Kalimbubu Siperdemui |
6 6 6
6 6 6 6 6 |
1. Kalimbubu Simupus/Dareh 2. Kalimbubu Sierkimbang (mama sierjabu) 3. Ngerana kemberahen (mami ) 4. Kalimbubu Sepemeren 5. Kalimbubu Siperdemui |
5
5 5 5 5 |
|
Puang Kalimbubu |
1. Puang Kalimbubu Erkiteken Binuang 2. Puang Kalimbubu erkiteken Dareh 3. Puang Kalimbubu Erkiteken Sierjabu 4. Nehken Luah Kalimbubu ras Puang 5. Ngampu/Ngaloi Ranan / Pedah Kalimbubu ras Puang |
6 6 6 6
6 |
1. Puang Kalimbubu Erkiteken Sierjabu 2. Nehken Luah Kalimbubu ras Puang 3. Ngampu/Ngaloi Ranan / Pedah Kalimbubu ras Puang |
5 5
5 |
|
Anak Beru |
1. Anak Beru Tua 2. Anak Beru Cekoh baka 3. Anak Beru Dareh 4. Anak Beru Sierkimbang 5. Sidiberu ( Bibi Sisereh/Turang Sukut ) 6. Anak Beru menteri 7. Sukut Ngaloi Ranan Anak Beru |
6 6 6 6 6 6 6 |
1. Anak Beru Tua/Dareh 2. Anak Beru Sierkimbang 3. Sidiberu ( Bibi Sisereh/Turang Sukut ) 4. Anak Beru Menteri 5. Sukut Ngaloi Ranan Anak Beru |
5 5 5 5 5 |
|
Jumlah Singerana |
33 Kalak. Bila @= 6 menit ( Sada Bagin arah sinereh/siempo ) |
198 |
21 kalak. Bila @=6 menit ( Sada Bagin arah sinereh/siempo ) |
105 |
|
Durasi Waktu |
1. Ngerana Sukut SiNereh + SiEmpo 2. Landek Penganten sd Pelaminan 3. Landek Tegun Ngerana : 6 x 15 Menit 4. Runggu + Ersukat Emas 5. Ngendesken/Pedalan Ulu Emas 6. Makan Siang+Rg Gereja 7. Tambahen ngerana Perbibin Sinereh |
396 20 90 45 15 50 6 |
1. Ngerana Sukut SiNereh + SiEmpo 2. Landek Penganten sd Pelaminan 3. Landek Tegun Ngerana : 6 x 10 Menit 4. Runggu + Ersukat Emas 5. Ngendesken/Pedalan Ulu Emas 6. Makan Siang+Rg Gereja 7. Tambahen ngerana Perbibin Sinereh |
210 20 60 30 10 30 5 |
|
Sub Durasi |
( 622 menit = 10,4 jam ) |
622 |
( 365 menit = 6,1 jam ) |
365 |
|
Penggunaan Waktu |
Jika Mulai Runggu Pukul 09.00 WIB Selesai Pukul 19.24 WIB Catatan : - Belum Termasuk Mukul - Pasu-pasu sehari sebelum pesta |
|
Apabila Acara : A. Pasu-Pasu 08.00 – 10.00 WIB di Gedung tempat pesta B. Mulai Runggu pukul 10.00 WIB selesai Pukul 16.05 WIB C. Mukul saat makan siang D. Bila Ditiadakan landek tegun pekepar, efesiensi waktu 1 jam. Sehingga pesta Selesai pukul 15.05 WIB |
|
( Dituliskan oleh : Matius Purba - Cengkareng )
CP : 0812 81306060
