PENGALON ANAK BERU KERJA ADAT
Ituriken kami ijenda asa pemeteh silit bas kami turin gelar Pengalon Anak Beru bas Kerja Erdemu Bayu, Kerja Petururken ras Kerja Ngeranaken.
Bagi enggo sieteh maka secara umum lit 3 kerja perjabun (Nereh Empo) bas kita Kalak Karo rikutken perdalanen perjumpan sierjabu. .
Sipemena emakap Kerja Erdemu Bayu, erdemu bayu gelarna erkiteken sierjabu jumpa anak kalimbubu (jumpa impal).
Sipeduaken Kerja Petuturken, erkiteken kenca ertutur nge maka enggo sitandaan /eteh hubungaen bas OratTutur Siwaluh.
Sipeteluken, emekap Kerja Perjabun Ngeranaken, erdemu erjabu tapi la arus (oratna la banci jumpa) erkiteken sumbang ( Inget Sumbang Sisiwah, salah sada emekap Sumbang Perjabun). Contohna kalak Erturang Sipemeren.
Bas kerina perjaun sitelu enda ipedalan me Utang Adat nangdangi Sangkep Nggeluh, termasuk men Anak Beru bas Jabu Sinereh.
Kerina Utang Adat sijadi bagin Anak Beru bas bentuk sitelu ndai pelain-lain kerina gelarna, labo banci seri. Mungkin selama enda bas enterem denga kita si la meteh, termasuk pe Anak Beru Si Ngerana ras siikut Runggu, seri nge tempa siakap kerina ,pada hal situhuna beda gelarna.
1. Bas Kerja Etdemu Bayu, Pengalon Anak
Beru gelarna emekap PERKEMBAREN.
ikataken Perkembaren erkiteken siempo e
radu seh kita ku Kalimbubu, radu rimpal
kita. Kita me sikembarna.. Ersenina kita
ras siempo.
2. Bas Kerja Pertuturken, pengalon Anak Beru
gelarna ULIH SIERMAKAN, engkai maka
ikataken Ulih Siermakan, enda erkiteken
impalta buat /empoi kalak sideban, pada
hal nina adat maka impalta sisereh adalah
hakta, kita sipermakanisa, kita sinjagai
entah pe singarak-ngaraksa. (Adi Sinuria
adi silegi impalta guna erjabu, kalimbubunta
la banci nogan entah ertahan. ) Endam ia
maka Pengalon Anak Beru igelari Ulih Sier-
kan.
3. Bas Kerja Perjabun Ngeranaken, pengalon
Anak Beru igelari SABE. engkai maka ige-
lari Sabe, enda erkiteken Perjabun e la arus,
Sumbang ( lit istilah Ibulangkenna sepatuna,
Kalimbubu e enggo jadi anak beru). Emaka
sesuai ras adat/perarihen maka Pihak Si
empo harus Nabei (Nggalari, iperdalan Pe
ngarusi). Em dalanna mk pengalon Anak
Beru igelari Sabe.
Endam sitik ituriken kami asa pemeteh silit, mbera lit gunana men banta kerina, termasuk
kita Pengamat ras Praktisi Adat siikut rusur
Ngerunggui kerja Kalimbubunta.
Tidak ada komentar:
Posting Komentar