SANGKEP NGGELUH KALAK KARO

                                           SANGKEP NGGELUH KALAK KARO

KATA PENGALO-NGALO SUKUT ( Contoh )

 KATA PENGALO-NGALO SUKUT (contoh) :

Sikataken bujur man Tuhan Dibata,.....................................................................

Sinihamati kami kam kalimbubu kami ( Sebutkan merga Kalimbubu: Tua, Bena-bena, Dareh, sierkimbang), Kalimbubu si empat merga ras temanndu sendalanen,  rikut ras Puang Kalimbubu (Puang seh 3 merga ) Puang Kalimbubu si lima merga ras temanndu sendalanen. 

Bagepe man kam kerina sembuyak, senina , bagepe sinikelengi kami  anak beru , anak beru menteri , kerina kam la erndobahen. Ibas paksa enda, tedis kami sembuyak ras senina kami, e me erkiteken anak kami i  tengah jabu  si ......................RAS .......................... enggo ngaloken pemasu – masun ibas Dibata nari sinibahan ibas tanggal …............Gereja .

terlebih ibas wari sisendah ibahan me kerja adat Erdemu Bayu nangndangi anak kelengen kami sierjabu ibas wari sisendah.

Emaka alu kehamaten,.....ersentabi  nge lebe  kami man bandu kam kerina kalimbubu terus ku puang ni puang kami, bagepe Sembuyak, sibiak senina….la ketadingen kam anak beru, Anak Beru Menteri kami, ibas kami erkerja/erlakon enda,...entah lit akapndu kurang perpayona pengelakoken kami, baik ibas penenahken ras pengataken kami man bandu,  ntah kurang akapndu pendudurken kami isap ras pendudurken kampil man bandu, ... ntah pe pengalon ngalo kami kam, ula  tama-tama  sangkut ukurndu, tapi jadilah pasu pasu ibas geluhndu arah Tuhan Dibata.

MAN KALIMBUBU :

Kalimbubu kami....., puang kalimbubu ..... , perlebe bujur isehken kami ibas kerehenndu, ibas kam enggo erkeleng ate man kami anak berundu, teridah kami mehaga anak berundu ibas kerehenndu e, Emaka erpengarapen kami,... maka bahanlah kari katandu man kami anak berundu  bagepe man anak kami :  kempundu, bere-berendu, impalndu Purba mergana ras impalna  beru Ginting. Pesehndu lah telah – telah man bana, segelah ia pe mehamat pagi man kalimbubu, erkeleng ate ersembuyak, metami ia man Anak Beru, itandaina pagi jelma sienterem. Terlebih Kalimbubu.....Puang Kalimbubu kami...Bahanlah kari totondu nangndangi Tuhan Dibata, segelah Jabu sipantekina banci  panjang perjabunna, seh sura-surana arah pemere Tuhan Dibata . 

 MAN SEMBUYAK/SENINA :

Bagepe man Kam kerina Sembuyak, senina kami, sepemeren,siparibanen, sepengalon....      

Enggo itumpak-tumpakndu kami ibas ngelakoken kerjata enda, janah igejabken kami kal penatang-natangndu mulai kin pemenana nari seh paksa enda. La banndu teridah kekurangen kami ibas kam enggo numpak-numpak kami sembuyak seninandu.  Erpengarapen kami, maka bagendalah tetap sidalanken, sitatang-tangen, siajar-ajaren kita ibas nehken kekelengen ibas katawari paksanpe terlebih radu ras kita nehken kehamaten man kalimbubu ras Puang kalimbubuta. Emaka  pesehndulah kata ajar man kami bagepe anak kami, segelah reh ngasupna bagepe reh beluhna kami guna nehken kehamaten man kalimbubuta bage kekelengen er-sembuyak, er-senina ras metami   man  anak beruta.

Man ANAK BERU ;

 “Bagem anak beru,anak beru menteri  sinikelengi kami kam kerina la erndobahen: bibi, bengkila, impal,silih, turang,.... tambah kemalemen ate kami kalimbubundu , idah kami ibas kiniersadan arihndu numpak-numpak kami kalimbubundu, meriahkal ukur kami ngidah ras natapsa. La kam lit sipanjang-punjuten, erlumbaken bana kam kerina ibas pekena-kena kami kalimbubundu. Emaka perpengarapen kami man bandu kerina anak beru, anak beru menteri kami,... dungindulah dahinta enda, ngasa dunglah kam kari kerina maka mulih.

Enda me kata pengalo-ngalo ibas kami nari Pandia mergana man Bandu kam kerina Kalimbubu kami, Puang kalimbubu kami, Sembuyak senina ras anak beru, anak beru menteri. Toto kami segelahTuhan Dibata mereken kejuah-juahen man banta kerina, tama kesangapen, kesehaten ras jumpa rejeki kita kerina.