Ula Muat Enggona

Turi-turin uga  ergereja 4 kalak Mamre.

( Bp. Lampas, Bp. Lawen , Bp.Muat Enggona ras Bp. Pehuliken)

Diawali perjumpan ilebe-lebe gereja secara kebetulen , erkiketen lit acara igereja.

Emaka labanci lang  empatna kalak enda jumpa.

Bp. Pehuliken : Yak, silih, Impal…Senina Mamre….adi isungkun kita “Kai nge perayakenta                            

                           usur reh ku  Gereja enda ? uga ninta njawabca...

Pa Lampas     : Aku dah kam silih,,,, sada ngenca si kuakap si mantapna kataken

                          pengkhotbah ah usur … ( Janahna neldu isapna ndekah……)

Bp. Pehuliken: Kai silih … ula ban ndekahsa min !!.

Pa Lampas     : Si Mantapna kuakap…. Reh nina Pandita usur :“ SANGAP KALAK ADI

                         SALAHNA ENGGO ISASAP, DOSANA ENGGO IALEMI. ( Janahna                                 

                          Cirem-cirem).

Pa Pehuliken  : - Payo silih ,... em kap tanda kita si erdosa  ....  nina Pa Pehuliken.

                          ya.... Kam ka impal,.... Bapa muat Enggona... !!  ( idahna

                          impal na enda , siiibuk terus nelepon ras SMS SANGA Ercakap-cakap e ).

                        - kam ka Impal bapa Laewn ... ... uga nindu ?   tempa lanai begi Bp Lawen                                                            

                           Ban asikna er SMS ....

Bp. Lawen    : Memang dahkam impal... payo nge bagi sikataken sembuyak ku Pa

                        Lampas ah ndai, ...Ia dah kam lampas usur ia reh ku gereja, lampas ka ia mulih

                        maun-maun lenga pe Kolekte enggo ka ia lawes ngayakken dahinna.Tapi                 

                        bage gia dah kam,...beda nge perayakenta  sekalak-sekalak si reh ku                                   

                        Gereja enda.

Pa Pehuliken : Payo kal kuakap katandu e Impal,.... bage gia turiken min man kami...

                        ula kin lalap sanga diskusi e pe encari atendu lalap.

Bp. Lawen : Aku dah kam Impal...sada ngenca perayakenku ku gereja....

                       ”Malem kal pusuhku ,   adi reh nina Pengkhotbah ah : ” 

                        “ KETUAHEN  KALAK SI   MEGIKEN KATA DIBATA

                       DINGEN SIMAKEKENCA  IBAS GELUHNA TEP-TEP WARI.

                        Haleluya…..  dah kam   Haleluya na   e banci ka kubahan sora 4. (janahna  

                        Ngisap radu ka ras mencet—mencet HP).

Rempet sambung Pa Muat Enggona : Ename kena  salah persepsi duana,.... adi kuakap labo

                        ena Perayakenta reh ku Gereja.............

                          Adi Aku Dah kena: si mendarah daging bas aku........Reh nina datas

                          mimbar ah nari : Mulih lah alu Dame ras Mejuah-juah ” IPASU-PASU

                          JANAH IKAWALI DIBATA KAM.....rst.....

                        ( Kepeken Pa Muat Enggona Pas bagi  gelarna  e... :  Terlambat usur  reh ku       

                         Gereja. Maun-maun lanai dat ingan   kundulpe.  Emaka celnat kenna saja je             

                         usur deher kalak, erbahanca si deherna e  pe  terganggu..)

Kesimpulen :  kai nina Pa Pehuliken.....

 Memang Senina Mamre  : Sada pe labo salah penggejabendu e.

Tapi adi reh kita ku Gereja... Lampas kita reh. .. sibegikenka  kata Dibata,... saber kita nimai dungna kerina kegiaten ras si dalanken ka Kegiaten Gerejanta . Bageme maka Dosata ialemi Dibata., Rikutpe Ketuahen ras dat ken kita Pasu-Pasu ibas Dibata nari gelah dat kita kegeluhen situhu-tuhu si rehna ibas Tuhan Yesus Kristus .

Amin..