Sen Galang Ras Sen Kitik
Oleh Pt. Matius Purba,S.Pd /Sie Litbang - GBKP Rg.CengkarengSekali paksa “Tuan Sen” buatna sen Bas ATM tamana ku dompetna. Erkiteken i bas ATM nari sen e , mejile ras gesteng denga kerina sen ndai. Kenca seh ia i rumah, i cekuhna gajutna, lit ka ije sen kitik tama kenna ka ku dompet ndai,gelah ula kari i buat kalak atena.Piah dompetna enggo dem tare sen...
Kai si terjadi ?
Sen Galang : Erkai lah kin pe anak enda reh,.. erbahanca rasak-asak naring ingan enda,...pinter pe kita
nggo mesera. “ O sen kitik “,... ndarat ko !.. lanai aku banci gesteng, nen min dompet enda,
lanai kendit ban enggo engko ije !
Sen Kitik : Ula min kena merawa teman ! ... aku gia me i tamaken tuanta enda nge ndai kubas...jadi
seri nge hakta....
Sen Galang : Lang !,... engko la metunggung ibas dompet enda, adi kami merim denga, gesteng ka...
Nen min engko!,.. seh bauna, erlinuk-linuk naring ko, erbahanca ngguldih dompet enda.
Mela akap kami adi engko ije....
Sen Kitik : Mejile ras gesteng gia kena,... aku nge pagi leben masuk surga.
Sen Galang : Masuk surga nim ka ?? Engkai ka maka engko masuk surga ? Adi kami nge si setiana
ngikut tuan enda ! Leben nge kami masuk surga asa engko,.. sebab kami lalap idarami
tuan enda , janahna medem e pe tetap kami ingetna. Sanga kebaktin pe tuan enda, kami ka
nge ingetna, tentu deheren nge kami ras Dibata asa engko..... Adi engko uga kin ?
Sen Kitik : Lang teman...!! Aku nge lebe masuk surga.... nen kena min tiap wari minggu bas kantong
kolekte ah, teremen kami asangken kena... gia kami erlimpun, tapi pegesteng tuan kang
kari dungna.. Adi kena mesera nge banci ku bas, sebab tadingken tuan e kena i kede,
tukarkenna ka nge ku kami. Em erbahanca kami erlimpun.. ngeskes gelemna.
Sen galang : Payo teman !... adi bage, uga maka kami banci ikut ras kena ...?
Sen Kitik : Adi bage,... kataken man tuanta enda, gelah ulanai kam tukarkenna ku kede tiap wari minggu. Kami pe lanai enteremsa ku bas durung-durung, kita pe lanai rubat, lanai ka kami erlimpun. Adi bage... sitik gia beliganta tapi erbelinna ergana, reh nahangna man tuan e. Lanai sibuk tuan enda pegesteng kami i pudi, tambah sie lanai ia mbiar ngaturken dahin gereja, Pasu- pasu Dibata pe reh belinna man bana.
Ermeriah ukurlah erkiteken Tuhan enggo masu-masu peranin ras pendahinndu. ( Ul. 16 : 15c )
Roma 12:1 , “Demi kemurahan Allah aku menasihatkan kamu, supaya kamu mempersembahkan tubuhmu sebagai persembahan yang hidup, yang kudus dan yang berkenan kepada Allah: itu adalah ibadahmu yang sejati.”
· Mas 50 : 23. Kalak si mpersembahken pengataken bujur, ia nge si mpehaga aku kap janah man kalak si perdalinna la pandangen, kucidahken kesangapen ni Dibata.
· Imamat 23:9-10: Kenca kam seh i bas negeri siibereken Tuhan man bandu, janah kenca iperanindu gandumndu,berekenlah PUNGO SIPEMENANA man Imam.